Тошкент Беш ташаббус ҳаракати доирасида ҳукумат вакиллари, вазирлик ва ташкилотлар раҳбарлари, жамоатчилик фаоллари, блогер ва журналистлар мулоқотлар, маданий-маърифий тадбирлар давом этмоқда. Бу ҳақда «Халқ сўзи» мухбири Инобат АҲАТОВА хабар берди.

Хусусан, Маданият вазири Озодбек Назарбеков билан ёшларнинг очиқ мулоқоти ўтказилди. Мулоқотда Озодбек Назарбеков Алишер Узоқов ва Акбархўжа каби актёрларнинг хорижга чиқиб кетгани ҳақида гапирди.

«Алишер Узоқов ва Акбархўжа каби актёрлар кинонинг муаммолар гирдобида қолган бир даврида қарор қабул қилишди. Ҳақиқатдан кинойимизда муаммолар мавжуд эди.

Алишер Узоқов ва Акбархўжа ёш бола эмас, оилали. Қайсидир маънода ҳаёт ўзининг катта-катта муаммоларини олдига қўяётган ёшда. Шунинг учун улар бу соҳадан эмас, умуман бошқа соҳадан ўзининг ҳаётини йўлга қўйиш мақсадида шу қарорларни қабул қилишди. Бу илгари ҳам бўлган. Менимча, бу икки одамнинг чет элда фаолият юритиши билан бутун санъат жар ёқасида дейиш бирмунча хато.

Кинодаги бор муаммоларни тан олган ҳолда айтяпман, агар мутлақ барча эшиклар ёпиқ бўлганда, унда барча киночилар чиқиб кетарди. Бор лекин қайсидир даражада қаноатланмайдиган ёки умуман актёрларни қаноатлантирмайдиган бир ҳолатларда жуда катта муаммолар бор эди. Бу ўзбек киносидаги охирги даврларда мени эшитишим бўйича, буни аниқ рақам дея қабул қилмайсизлар тахминан мени қулоғимга чалингани, ўзбек киноси учун 1 йилда 50-70 млрд пул ажратилган. Лекин мана шу маблағ доирасида 20га яқин давлат буюртмаси бўлган. Шуни ўзи айтиб турибди барчасини.

Биз шунақа даражага келишимиз керакки, мана шу 50-60 млрд 1 та фильмни бюджети бўлиши керак. Шунда биз сифатга эришамиз, шунда актёрларимизни ҳам рози қиламиз, шунда Алишер Узоқовни Ўзбекистонда қолишини таъминлаган бўлар эдик», деди вазир.