Беруний туманида 87 та инвестиция лойиҳаси амалга оширилади

18:29 27 Ноябрь 2020 Сиёсат
293 0

 

Аввал хабар берилганидек, Олий Мажлис Сенати Бюджет ва иқтисодий ислоҳотлар масалалари қўмитасида доимий асосда ишловчи сенатор Малика Кадирханова Ўзбекистон Республикаси Президентининг «2020-2023 йилларда Қорақалпоғистон Республикасини комплекс ижтимоий-иқтисодий ривожлантириш чора-тадбирлари тўғрисида»ги қарори ижросини таъминлаш мақсадида Беруний туманида бўлиб турибди.

Сенатор ва депутатлар 2020-2023 йилларда Беруний туманида амалга оширилаётган лойиҳалар билан танишди. Ҳудудда 87 та инвестиция лойиҳаси амалга оширилиши назарда тутилган.

Шу жумладан, Беруний туманидаги «Меҳроб Алибек 110» МЧЖ туманни ижтимоий-иқтисодий ривожлантириш дастурига совутгичли омборхона ташкил этиш лойиҳаси билан киритилган. Унинг қиймати 1 млрд. 200 млн. сўмни ташкил қилади. Бугунги кунда омборхонада 60 тонна қишлоқ хўжалиги маҳсулотлари сақланмоқда.

Бундан ташқари, «Сарвар насл чорва» фермер хўжалиги фаолияти билан танишилди. Туманни ижтимоий-иқтисодий ривожлантириш дастурига чорвачилик лойиҳаси ҳам киритилган бўлиб, мазкур чорва комплексига туман ҳокимлиги томонидан ер майдони ажратилган. Банк томонидан 1 млрд. 300 млн. сўм кредит маблағлари йўналтирилиб, Украина давлатидан 70 бош наслли чорва моллари келтирилган. Бугунги кунда чорва фермасида 5 та янги иш ўрни яратилган.

Сенатор мавжуд имкониятлардан фойдаланиб, янги иш ўринларини яратиш бўйича таклиф ва тавсияларини берди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?