Австриядаги президентлик сайловларида Ван дер Беллен ғалаба қозонди

13:02 11 Октябр 2022 Дунё
590 0

9 октябрь куни Австрияда ўтказилган президентлик сайловида Александр Ван дер Беллен 56,69 фоиз овоз билан иккинчи муддатга президент этиб сайланди.

Александр Ван дер Беллен Австриянинг барча 116 административ марказларида ғалаба қозонди. Асосий рақиблари Уолтер Розенкарс 17,68 фоиз, Доминик Вланзй 8,31 фоиз олган.

Австрияда сайлов ёши 16 ёш. Президентликка номзодини қўймоқчи бўлган шахс 35 ёшдан кичик бўлмаслиги, камида 6000 та қўллаб-қувватлаш декларациясига эга бўлиши ва 3 600 евро миқдоридаги тўловни амалга ошириши зарур. Номзодларни рўйхатдан ўтказиш сайловга 37 кун қолганда тугайди. Бу йил сайловда 7 та номзод курашди.

Австрияда президент 6 йил муддатга сайланади. 50 фоиздан кўпроқ овоз олган номзод ғалаба қозонган ҳисобланади. Австрияда сайловчиларнинг умумий сони 6,4 миллион кишини ташкил этмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?