Андижонда «Нексия» автомашинаси ёниб кетди

22:18 30 Ноябрь 2020 Жамият
248 0

30 ноябрь куни соат 16:40да Андижон шаҳридаги Амир Темур номли кўчада «Нексия» русумли автомашина ёниб кетди. Бунга автомобилнинг двигателида юзага келган ёнғин сабаб бўлган, дейилмоқда дастлабки хулосаларда.

Машинани бошқариб бораётган фуқаро юзага келган кўнгилсизликдан ўзини йўқотиб қўймаган ва вазиятга тўғри баҳо берган. Шу боис транспорт воситасини йўл четига тўхтатиб, ўзи салондан тушишга улгурган.

Ёнғин ўчирувчилар томонидан ҳодиса бартараф этилди. Жабрланганлар ва тан жароҳати олганлар йўқ. Айни пайтда олиб борилаётган суриштирув ишлари якунида ёнғин сабаблари юзасидан аниқ хулоса чиқарилади.

Саминжон ҲУСАНОВ,
«Халқ сўзи»

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?