Андижон вилоятида ИИБнинг собиқ ходими қалбаки паспорт тайёрлагани учун ушланди

12:26 15 Январь 2022 Жамият
871 0

Андижонда Ички ишлар бошқармасининг собиқ ходими қалбаки паспорт тайёрлагани учун ҳукм қилинди.

Маълумотларга кўра, Хўжаобод туманида яшовчи фуқаро 2017 йил август ойидан 2021 йил февралигача Хонобод шаҳар ички ишлар бўлими миграция ва фуқароликни расмийлаштириш гуруҳи инспектори ҳамда Қўрғонтепа туман ИИБ ҳузуридаги 13-, 15-сон ички ишлар бўлинмалари миграция ва фуқароликни расмийлаштириш гуруҳи инспектори лавозимларида ишлаб келган.

Қайд этилишича, эркак қоидаларни бузгани учун Ўзбекистонга кириши тақиқланган фуқароларга қалбаки паспортлар тайёрлаган.

Қўрғонтепа туман суди жиноятчини Жиноят кодексининг 205-моддаси 1-қисми (Ҳокимият ёки мансаб ваколатларини суиистеъмол қилиш) ва 209-моддасининг 2-қисми (сохтакорлик) билан айбдор деб топди. Эркак 10 йил муддатга озодликдан маҳрум қилиш билан жазоланди, шунингдек, уч йил муддатга ички ишлар идоралари тизимида ишлаш тақиқланди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?