Air Arabia Шаржадан Тошкентга тўғридан-тўғри рейсни йўлга қўяди

11:52 03 Октябр 2020 Иқтисодиёт
340 0

Air Arabia компанияси БААдаги учинчи йирик шаҳар Шаржадан Тошкентга парвозларни йўлга қўйишга қарор қилди. Бу ҳақда компания матбуот хизмати хабар берди.

Ушбу лоукостер рейсларни чоршанба ва шанба кунлари Airbus A320 лайнерларида амалга оширади. Биринчи парвоз 4 ноябрь кунига режалаштирилган.

Парвоз қарийб 4 соат давом этади. Компания сайтидан чипталарни харид қилиш мумкин. Уларнинг нархи 200 доллардан 246 долларгача. 

Маълумот учун, Air Arabia маъмурий-қароргоҳи Шаржада жойлашган араб авиакомпанияси бўлиб, Александрия, Марокко, Яқин Шарқ, Жануби-Шарқий Осиё ва МДҲ давлатларига йўловчи ташиш билан шуғулланади. У Яқин Шарқдаги энг арзон авиаташувчи ҳисобланади.

Эслатиб ўтамиз, сентябрь ойида Air Arabia  Ўзбекистонга парвозларни амалга ошириш учун лицензия олгани маълум бўлганди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?