Афғонистоннинг Ҳирот шаҳридаги масжидда содир этилган террорчилик ҳаракатини қатъий қоралаймиз — Ўзбекистон ТИВ

15:26 04 Сентябр 2022 Сиёсат
996 0

Фото: Архив сурат

Афғонистоннинг Ҳирот шаҳридаги масжидда содир этилган террорчилик ҳаракатига Ташқи ишлар вазирлиги муносабат билдирди.

«Афғонистоннинг Ҳирот шаҳридаги «Гузаргоҳ» масжидида 2022 йил 2 сентябрь куни жума намози пайтида содир этилган ҳамда тинч аҳоли орасида кўплаб инсонларнинг қурбон бўлиши ва жароҳатланишига сабаб бўлган террорчилик ҳаракатини қатъий қоралаймиз.

Бу каби қабиҳ ҳаракатлар Афғонистондаги вазиятнинг кескинлашишига олиб келиши баробарида, мамлакатда узоқ муддатли ва барқарор тинчлик ҳамда миллий тотувликнинг ўрнатилишига тўсқинлик қилади.

Ҳалок бўлганларининг оила аъзолари ва яқинларига ҳамдардлик билдириб, жабрланганларнинг соғайиб кетишини тилаймиз» — дейилади вазирлик муносабатида.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?