Афғонистонда сув тошқинлари оқибатида камида 20 киши ҳалок бўлди

20:46 22 Август 2022 Дунё
1412 0

Фото: AP Photo

Афғонистонда сўнгги 48 соат ичида сув тошқинлари оқибатида камида 20 киши ҳалок бўлди. Бу ҳақда Reuters хабар бермоқда.

Кучли ёмғирлар минглаб уйларни вайрон қилди, қишлоқ хўжалиги ерларига зарар етказди. Логар вилоятида табиий офат туфайли 35 киши жабрланди. Норасмий маълумотларга кўра, қурбонлар сони анча кўп.

Ижтимоий тармоқларда Толибон ҳукуматининг ёрдамга чақирувчи видеоси тарқалди.

«Биз халқаро ҳамжамиятдан, хусусан, исломий мамлакатлар ва гуманитар ташкилотлардан жабрланганларга зудлик билан ёрдам беришларини сўраймиз», деди Толибон ҳукумати вакили Забиҳуллоҳ Мужоҳид видеомурожаатида.

Бу йил мамлакатда табиий офатлар авж олди. Июнь ойидаги қурғоқчилик ва кучли зилзила 1000 дан ортиқ одамнинг умрига зомин бўлди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер