2020 йилги «рейтинг»да Муҳаммад ва Муслима исмлари ғолиб бўлди

18:22 11 Январь 2021 Жамият
514 0

Фарғона вилоятида 2020 йилда 94 минг 391 нафар чақалоқ дунёга келди. Бу туғилиш 2019 йилга нисбатан 6 минг 522 нафарга кўпайганидан далолат беради.

Давлат хизматлари агентлиги Фарғона вилоят бошқармаси ахборот хизмати хабарига қараганда, якунланган йилда вилоятда қизларга нисбатан ўғил болалар кўп туғилган.

Маълум бўлишича, 2020 йили Фарғонада туғилган қизларга Муслима, Солиҳа, Имона ва Шукрона исмлари кўп қўйилган бўлса, ўғил болаларга исм танлашда чақалоқнинг яқинларига кўпроқ Муҳаммад, Мустафо, Абдуллоҳ ва Имронбек исмлари маъқул бўлган.

Шу тариқа ўтган йили вилоятда туғилишга нисбатан ўлим ҳолатлари 4 баробар кам қайд этилган бўлиб, ушбу рақам 22 минг 124 нафарни ташкил этди.

Б. Мадиёров,
«Халқ сўзи»

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?