121 та вазирлик ва идоралар айрим харажатлари ҳақидаги маълумотларни очиқламаган

17:32 19 Октябр 2021 Жамият
248 0

Бугун Халқаро медиа-холлда «Давлат органлари фаолиятининг очиқлиги ва шаффофлиги: Ўзбекистон тажрибаси ва хориж амалиёти» мавзуида давра суҳбати бўлиб ўтди.

Тадбирда Коррупцияга қарши курашиш агентлиги, Олий Мажлис Қонунчилик палатаси ва Сенати, Ахборот ва оммавий коммуникациялар агентлиги, Давлат статистика қўмитаси, Журналистлар ижодий уюшмаси раҳбарияти ҳамда халқаро экспертлар иштирок этди.

Таъкидлангандек, давлат органлари фаолиятининг очиқлиги ва шаффофлиги бўйича кўплаб ишлар амалга оширилди. Ислоҳотларнинг узвий ва мантиқий давоми сифатида Президентнинг «Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида»ги Фармони қабул қилинди. Фармон билан амалдаги қонунчилик ҳужжатларида мавҳум бўлган муаммоли масалалар тўлиқ ўз ечимини топди.

Маълумотларга кўра, жорий йилнинг октябрь ойи ҳолатига ўтказилган мониторинг натижалари бўйича 230 та вазирлик ва идораларнинг 121 таси хизмат сафарлари ва хориждан ташриф буюрган меҳмонларни кутиб олиш харажатлари ҳақидаги маълумотларни ўз расмий веб-сайтига жойлаштирмаган.

Иштирокчиларнинг фикрига кўра, очиқликни таъминлаш соҳаси нафақат коррупцияга қарши курашиш билан боғлиқ, балки ОАВлар билан ишлаш, молиявий шаффофликни таъминлаш, қонунчиликни такомиллаштириш, ҳаттоки фуқаролар мурожаатлари билан ишлашдаги самарадорлик билан ҳам баҳоланади.

"Халқ сўзи".

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?