Қаршида газ чақнаши натижасида бир уй бутунлай сочилиб кетди (фото)

12:42 06 Январь 2021 Жамият
450 0

Вилоят Фавқулодда вазиятлар бошқармаси хабар беришича, бугун соат 8:10ларда Қарши шаҳар “Отчопар” МФЙда жойлашган уйларнинг бирида газ-ҳаво аралашмасининг чақнаши юзага келган. Оқибатда бинонинг деворлари тўлиқ қулаган.

Воқеа жойига вилоят Фавқулодда вазиятлар бошқармасининг ёнғин-қутқарув гуруҳи зудлик билан етиб бориб, қидирув-қутқарув ишларини олиб борган. Афсуски, ушбу ҳодиса оқибатида икки нафар фуқаронинг жасади вайрон бўлган уй ичидан олиб чиқилган.

Маълум бўлишича, вайроналар остидан олиб чиқилган иккин нафар фуқароларнинг бири хонадон эгасининг ўғли (2005 йилда туғилган) иккинчиси жияни (2007 йилда туғилган) эканлиги маълум бўлди. Бошқа жабрланган оила вакиллари йўқ. (Оила тўлиқ кўчиб келмаган)

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?