Деновда янги ўқув йилида ўқувчилар учун эшигини очган 9 та мактаб яна ёпилиши маълум бўлди

15:40 17 Сентябр 2020 Жамият
374 0

Сурхондарё вилояти Денов туманида коронавирус пандемияси билан гумон қилинаётган фуқаролар сони ошган. Шу боис ушбу тумани ҳокими томонидан маҳаллалар 4 та сектор кесимида қизил, сариқ ва яшил тоифаларга ўтказилди. Қизил ҳудудга ўтган маҳаллалардаги жамоа тўпланадиган масканларнинг вақтинча фаолияти тўхтатилди. Бу ҳақда туман ҳокимлиги ахборот хизмати хабар қилди.

Жумладан, босқичма-босқич анъанавий тарзда ўз фаолиятини бошлаган 9 та умумий ўрта таълим мактаб пандемия шароити барқарорлашгунига қадар ўз фаолияти тўхтатди.

“Ушбу мактаблар фаолиятини анъанавий тарзда бошлагунга қадар ўқувчилар онлайн тарзда, яъни «Онлайн-мактаб» лойиҳаси доирасидаги телевизион дарслар орқали дарс машғулотларини амалга оширади” дейилади хабарда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?