Foto: Illustrativ foto

JSST koronavirusni yuqtirish holatlari boʻyicha navbatdagi haftalik hisobotini eʼlon qildi. Unga koʻra, 11-17-iyul kunlari dunyoda 6,2 milliondan ortiq kishida COVID-19 aniqlangan. Bu 4-11-iyul sanalariga qiyoslaganda deyarli bir xil koʻrsatkichdir.

Asosiy oʻsish dinamikasi Gʻarbiy Tinch okeani mintaqasi mamlakatlarida qayd etildi — 37 foiz. Sharqiy Oʻrta yer dengizi mintaqasida kasallanishlar soni deyarli oʻzgarmadi.

Yevropa va Afrika qitʼalarida esa koronavirusga chalinish holatlari mos ravishda 16 va 27 foizga kamaydi.

Shuningdek, oʻtgan haftada koronavirus tashxisi qoʻyilgan bemorlardan 11 ming nafari hayotdan koʻz yumdi. Bu avvalgi haftaga taqqoslaganda qariyb 1 foizlik pasayishdir.

Kasallikdan vafot etganlarning katta qismi Janubi-Sharqiy Osiyo mintaqasi mamlakatlari hissasiga toʻgʻri keldi — 20 foiz! Keyingi oʻrindan 13 foizlik koʻrsatkich bilan Sharqiy Oʻrta yer dengizi mintaqasi davlatlari joy oldi. Shuningdek, Amerika qitʼasida oʻlim holatlari 7 foizga oʻsdi.

Qolgan mintaqalar, xususan, Afrikada COVID-19 qurbonlari soni 39 foizga, Yevropada esa 14 foizga kamaydi.