JSST: Dunyoda koronavirusga chalinish holatlari 5 foizga kamaydi

13:11 24 Noyabr 2022 Dunyo
314 0

Foto: Illustrativ surat

Shu yil 14-20-noyabr kunlarida Yer yuzi boʻyicha 2,4 milliondan ortiq kishida COVID-19 infeksiyasi aniqlandi. Ulardan 7,8 ming nafari xastalik oqibatida hayotdan koʻz yumdi.

Jahon sogʻliqni saqlash tashkilotining navbatdagi hisobotiga koʻra, kasallanish koʻrsatkichlari undan avvalgi haftaga nisbatan 5 foiz, oʻlimlar soni esa 13 foizga kamaygan.

Sezilarli oʻsish dinamikasi Janubi-Sharqiy Osiyo (+ 8 foiz), Janubiy va Shimoliy Amerika (+3 foiz) mamlakatlarida qayd etildi. Oʻlim holatlari esa Afrika (+24 foiz) va Janubi-Sharqiy Osiyo (+13 foiz) mintaqasi davlatlarida koʻpaydi.

Oʻtgan haftada eng koʻp bemorlar roʻyxatga olingan mamlakatlar:

Yaponiya — 593 ming,

Janubiy Koreya — 364 ming,

AQSH — 274 ming,

Fransiya — 186 ming,

Xitoy — 158 ming.

Eng koʻp bemorlar oʻlimi qayd etilgan davlatlar:

AQSH — 2 202,

Yaponiya — 702,

Xitoy — 476,

Fransiya — 441,

Rossiya — 430.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?