Joriy yilda 6 ta tumanda “agrovoltaika” usulida pilot loyihalar boshlanadi

17:32 28 Fevral 2024 Siyosat
132 0

Prezident Shavkat Mirziyoyev huzurida qayta tiklanuvchi energetika sohasidagi ustuvor vazifalar yuzasidan kengaytirilgan yigʻilish boʻlib oʻtmoqda.

Elektr isteʼmoli yuqori boʻlgan qishloq va suv xoʻjaligi, ichimlik suvi taʼminoti korxonalarida “yashil energiya” quvvatlarini koʻpaytirish boʻyicha ishlarni jadallashtirish zarurligi qayd etildi.

Masalan, qishloq xoʻjaligi yerlarida quyosh panellarini oʻrnatish, yaʼni “agrovoltaika” boʻyicha xorijiy tajriba oʻrganilmoqda. Hisob-kitoblarga koʻra, mamlakatimizda 10 gigavattli agrovoltaika salohiyati mavjud.

Mutasaddilarga joriy yilda 6 ta tumanda “agrovoltaika” usulida pilot loyihalarni boshlash topshirildi.

Umuman, xalqaro ekspertlarni jalb qilgan holda energiya sarfi yuqori boʻlgan sohalarda qayta tiklanuvchi energiya manbalarini rivojlantirish boʻyicha alohida dastur ishlab chiqish vazifasi qoʻyildi.

 

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?