Foto: Illustrativ foto

Bu haqda AOKAda «Oʻzagrosugʻurta» AJ rahbariyati va mutasaddilari ishtirokida oʻtkazilgan matbuot anjumanida maʼlum qilindi.

«Oʻzagrosugʻurta» AJda mijozlar uchun kompaniyada “Onlayn polis” axborot tizimi orqali jami 9 ta sugʻurta turi boʻyicha E-polis sotib olish imkoniyati yaratilgan.

2022-yil oʻtgan davri mobaynida jami 403 044 dona sugʻurta shartnomasi tuzilgan, shundan 367 720 tasi aholi sugʻurtasi yoʻnalishida rasmiylashtirilgan. Qariyb 23,4 mlrd. soʻmlik sugʻurta tovonlari toʻlangan, shundan deyarli 5,6 mlrd. soʻmi aholi sugʻurtasi ulushiga toʻgʻri keladi.

«Oʻzagrosugʻurta» AJ hamda Tashqi mehnat migratsiyasi agentligi oʻrtasida imzolangan bitimda xorijga vaqtincha mehnat faoliyatini amalga oshirish uchun ketayotgan Oʻzbekiston fuqarolarini kompleks sugʻurta qilish va ijtimoiy qoʻllab-quvvatlash, ularga sugʻurtaning mohiyati, afzallik jihatlari toʻgʻrisida tushuntirish ishlarini olib borish va ularni sugʻurtaviy himoyaga olish boʻyicha hamkorlikda sharoit yaratib berish koʻzda tutilgan.