Jizzaxda maktab oʻquvchisini zoʻrlagan oʻgʻri qoʻlga olindi

13:25 04 Aprel 2021 Jamiyat
2510 0

2021-yilning 23-fevral kuni Jizzax viloyati Paxtakor tumani Chamanzor qishloq fuqarolar yigʻinida yashovchi Sh.E.ning turar joyida oʻgʻrilik yuz berdi. Soat 19 dan 21 gacha boʻlgan vaqt oraligʻida uyda hech kim yoʻqligi, xonadon derazasi ochiqligidan foydalangan oʻgʻri yotoqxonadagi seyfning qulfini buzib, 8 million soʻm pulni olib ketgan.

Ichki ishlar organlari xodimlari tomonidan olib borilgan tezkor qidiruv tadbirlari natijasida ushbu jinoyat jabrlanuvchining mahalladoshi M.B. tomonidan sodir qilingani aniqlandi. Undan 351 ming soʻm hujjatlashtirib olingan. Bu haqda viloyat IIB xabar berdi.

Qayd etilishicha, tergovga qadar surishtiruv davomida ayblanuvchining yana bir jinoyati fosh qilindi. Ayon boʻlishicha, u 2001-yilning 1-oktyabrida hududdagi turar joylardan birining yotoqxonasiga kirib, pichoq bilan qoʻrqitish yoʻli bilan maktab oʻquvchisini zoʻrlagan. Soʻngra birovga aytsa, oʻldirish bilan tahdid qilgan.

Ushbu manfur kimsa jinoyatini yashirish maqsadida qizning kiyim-kechagini oʻz yashash joyidagi hojatxonaga tashlab yuborgan. Mazkur holat boʻyicha ham jinoyat ishi qoʻzgʻatildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?