Janubiy Koreyaning taniqli estrada xonandalari Toshkentdagi konsert dasturida ishtirok etadi

22:42 25 Noyabr 2022 Jamiyat
525 0

Foto: “Dunyo” AA 

Janubiy Koreyaning taniqli estrada xonandalari Oʻzbekistonda istiqomat qilayotgan koreys diasporasining 85 yilligiga bagʻishlangan konsert dasturida ishtirok etish uchun Toshkentga keladi.

Bu haqda “Dunyo” AA xabar bermoqda. Oʻzbekistonda istiqomat qilayotgan koreyslarning 85 yilligiga bagʻishlangan tadbir 26-noyabr kuni Toshkent shahridagi “Xalqlar doʻstligi” saroyida boʻlib oʻtadi. Tadbirda 4000 nafarga yaqin mahalliy va xorijiy mehmonlar ishtirok etishi, ular uchun teatrlashtirilgan madaniy dastur namoyish etilishi rejalashtirilgan.

Konsert dasturi tashkilotchisi Oʻzbekistondagi Koreys madaniyat markazlari uyushmasi vakillari Koreya Respublikasining “Eurasia Networks” kompaniyasi prezidenti Kim Chang Keondan Janubiy Koreyaning taniqli estrada xonandalarini taklif etish boʻyicha yordam soʻradi. Oʻz navbatida, Kim Chang Keon Oʻzbekistonda Janubiy Koreya sanʼatkorlarining konsertini tayyorlash va oʻtkazishga tayyor ekanini bildirdi.

Oʻzbekiston elchixonasi maʼlumotlariga koʻra, konsertda ishtirok etishi rejalashtirilgan Janubiy Koreyaning mashhur ijrochilari Gil Gun va Kim Ji Xun nafaqat Koreya Respublikasida balki, butun dunyoda mashhurdir.

Gil Gun va Kim Ji Xun safar oldidan Oʻzbekistonda istiqomat qilayotgan koreyslar diasporasining 85 yilligiga bagʻishlangan madaniy tadbirdagi chiqishlari uchun Oʻzbekistonda munosib hayot kechirayotgan koreyalik vatandoshlarga bayramona kayfiyat ulashadigan qoʻshiqlarni ijro etishlarini taʼkidlashdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?