Foto: Reuters

Ukraina prezidenti Vladimir Zelenskiy Yaqin Sharqdagi sulh munosabati bilan oʻzining “Telegram” kanali orqali Rossiyaga murojaat qildi.

Uning taʼkidlashicha, Ukraina Rossiya bilan mojaroda har doim sulhga chaqirib kelgan. Zelenskiy Kiyev ham Yaqin Sharqdagi “sokinlik” qoʻllab-quvvatlashiga ishontirdi.

“Ukraina yana bir bor Rossiyaga takrorlaydi: agar ruslar hujumlarini toʻxtatsa, biz ham shunga oʻxshash javob berishga tayyormiz. Otishmani toʻxtatish kelishuvlar uchun qulay sharoit yaratishi hamma uchun ayon”, — deya yozgan Zelenskiy.

Avvalroq, Vladimir Zelenskiy Rossiya bilan “energiya sulhi”ga tayyorligini eʼlon qilgan edi. Kiyev energetika obyektlariga hujumlarni oʻzaro toʻxtatishni taklif qilmoqda. Uning soʻzlariga koʻra, bu tashabbus Moskvaga AQSH orqali yetkazilgan. Rossiya bu gʻoyani rad etdi va uni harbiy harakatlarda tanaffus olishga urinish deb atadi.

Bundan tashqari, 3-aprel kuni Zelenskiy Ukraina AQSHga Pasxa bayramida sulh tuzish toʻgʻrisida soʻrov yuborganini, ammo amerikaliklar buni Rossiyaga yuborish imkoniyatiga ega boʻladimi yoki yoʻqmi nomaʼlumligini aytgan edi.