Yunusobod tumanida yana bir koʻchaning ayrim qismlari vaqtincha yopilmoqda 

16:52 02 Iyul 2020 Jamiyat
295 0

2020-2021-yillar Toshkent shahrini kuz-qish mavsumiga tayyorlash dasturi doirasida 3-iyuldan Yunusobod tumani Ahmad Donish koʻchasining Anorzor koʻchasiga burilish uchun moʻljallangan qoʻshimcha koʻchadan oʻtuvchi magistral issiqlik tarmogʻini kapital taʼmirlash ishlari boshlanmoqda.

Toshkent shahar hokimligi matbuot xizmatining bergan xabariga koʻra, mazkur magistral issiqlik tarmogʻining kapital taʼmirlanayotgan qismida oxirgi 3 yil davomida 17 ta avariya holatlari qayd etilgan.

Taʼmirlash ishlari 14 kun davomida, aholiga issiq suv taʼminoti uzilmagan tartibda amalga oshiriladi.

Ish jarayonida Ahmad Donish koʻchasining Anorzor koʻchasiga burilish uchun moʻljallangan qoʻshimcha koʻcha toʻliq yopiladi va ushbu yoʻnalishdagi avtotransport qatnovi asosiy yoʻldan amalga oshiriladi.

“Shu munosabat bilan haydovchilarga yuzaga kelishi mumkin boʻlgan tirbandliklarning oldini olish maqsadida aylanma yoʻllardan foydalanishlari tavsiya etiladi”, - deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?