Foto: РИА «Новости»

Yaponiya va Kambodja Ukrainaga portlamay qolgan oʻq-dorilarni yoʻq qilish va minalardan tozalashda yordam berish boʻyicha kelishuvga erishdi. Bu haqda “Kyodo” agentligi xabar bermoqda.

Qayd etilishicha, Yaponiya tashqi ishlar vaziri Yosimasa Xayashi va Kambodja tashqi ishlar va xalqaro hamkorlik vaziri Prak Sokxon bu borada kelishib olgan.

Avvalroq, Yaponiya rasmiylari Kiyevga yordam koʻrsatish doirasida ukrainalik sapyorlarni tayyorlash kurslarini boshlagan edi. Kelishuvga koʻra, ukrainalik sapyorlar Yaponiyada tayyorlanadi. Tokio Polshaga ham bir necha mutaxassislarni yuborgan va u yerda ukrainalik sapyorlar tayyorlanadi.

Shu yilning 20-yanvar kuni Kambodjada Ukraina favqulodda vaziyatlar davlat xizmatining 10 nafar xodimi uchun minalardan tozalash boʻyicha oʻquv mashgʻulotlari yakunlangan edi.

Oʻtgan yilning noyabr oyida Kanada Qurolli kuchlari instruktorlari Polshada ukrainalik sapyorlarni tayyorlashni boshlagan edi.