Yaponiya Olimpiada oʻyinlarini bekor qilishi mumkin

15:47 15 Aprel 2021 Sport
1322 0

Foto: Reuters

Koronavirus bilan bogʻliq vaziyat murakkablashsa Yaponiya Tokio Olimpiadasini oʻtkazishni bekor qilishi mumkin.

Bu haqda mamlakatda hukmron partiya — “Liberal-demokratik partiya”ning bosh kotibi Tosixiro Nikai aytib oʻtdi, deya xabar bermoqda Yaponiya ommaviy axborot vositalari

Siyosatchining taʼkidlashicha, agar oʻyinlarni tashkil etish deyarli imkonsiz boʻlib qolsa, hukumatning uni oʻtkazishni bekor qilishdan boshqa chorasi qolmaydi.

Avvalroq Yaponiyada Olimpiada mashʼalasi estafetasi boshlangan edi. Marosim Fukusima prefekturasidagi 2011-yilgi dahshatli zilzila va sunamidan soʻng qayta tugʻilish ramzi sifatida tanlangan "J-Village" futbolchilarni tayyorlash markazida boshlandi. Estafeta Yaponiyaning barcha 47 prefekturasida tashkil etiladi.

Koronavirus pandemiyasi bilan bogʻliq vaziyat tufayli 2020-yilda oʻtkazilishi kerak boʻlgan Olimpiada oʻyinlari 2021-yil yoziga qoldirildi. U 23-iyuldan 8-avgustgacha boʻlib oʻtishi rejalashtirilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер