Vengriyada oʻzbekistonlik talabalarga ajratiladigan grant soni oshirildi

17:02 05 May 2022 Jamiyat
510 0

Foto: Illustrativ foto

Bu haqda Oliy va oʻrta maxsus taʼlim vazirligi axborot xizmati xabar bermoqda.

2020-yilda Oʻzbekiston va Vengriya davlatlari oʻrtasida imzolangan tegishli memorandumga koʻra, Oʻzbekiston fuqarolari uchun Vengriya oliy taʼlim muassasalarida bakalavr, magistratura va doktorantura bosqichlarida oʻqish uchun yiliga jami 100 tadan taʼlim grantlari ajratib kelinmoqda edi.

Investitsiyalar va tashqi savdo vaziri Sardor Umurzakov hamda Vengriya tashqi ishlar va tashqi iqtisodiy aloqalar vaziri Peter Siyyarto hamraisligida Oʻzbekiston va Vengriya oʻrtasidagi iqtisodiy hamkorlik boʻyicha hukumatlararo komissiyasining yuqori darajadagi navbatdagi yigʻilishida ushbu memorandumga oʻzgartirishlar kiritish toʻgʻrisidagi bayonnoma imzolandi.

Unga koʻra 2023/2024 oʻquv yilidan boshlab, Vengriya tomonidan har yili ajratilayotgan taʼlim grantlari soni 100 tadan 170 taga koʻpaymoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?