Umummilliy Konstitutsiya imtihonining 1-bosqichi yakunlandi

14:28 29 Noyabr 2022 Jamiyat
321 0

 Adliya vazirligi tomonidan Yoshlar ishlari agentligi bilan hamkorlikda fuqarolarning Konstitutsiya haqidagi bilimlarini sinovdan oʻtkazish maqsadida umummilliy Konstitutsiya imtihoni oʻtkazilmoqda.

Imtihonning 1-bosqichi yakunlandi. Unda jami 15 ming nafardan ortiq ishtirokchi roʻyxatdan oʻtdi (shundan 58 foizi – erkaklar, 42 foizi – ayollar).

Ishtirokchilarning 65 foizini yoshlar tashkil etdi.

Shuningdek, Imtihon ishtirokchilarining 30 foizini – oʻqituvchi va murabbiylar, 25 foizini – maktab oʻquvchilari, 10 foizini – talabalar tashkil etdi.

Respublika boʻyicha barcha ishtirokchilarning oʻrtacha koʻrsatkichi 13 tani tashkil etdi (2021-yil - 11 ta).

Eng koʻp ishtirokchi Toshkent shahridan ishtirok etgan boʻlsa, eng yaxshi oʻrtacha natijani Navoiy viloyati qayd etdi.

Test natijalariga koʻra, 3 ta yoʻnalish boʻyicha qisqa vaqt ichida eng koʻp savolga toʻgʻri javob bergan hamda 1 ta ijodiy savolga javob bergan 30 nafardan ishtirokchi elektron tizim orqali aniqlandi.

Imtihon shartlariga koʻra, ushbu ishtirokchilarning ijodiy savolga javoblari baholanib, uchta yoʻnalish boʻyicha 10 nafardan ishtirokchi final bosqichiga yoʻl oladi.

Final bosqichi boʻyicha ishtirokchilar roʻyxati, oʻtkazilish joyi hamda vaqti haqida qoʻshimcha maʼlumot beriladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?