Ukraina osmonining yopilishi nafaqat Yevropa, balki butun dunyo uchun katta va halokatli oqibatlarga olib keladi — Putin

20:37 05 Mart 2022 Dunyo
2938 0

Foto: CNN

Rossiya prezidenti Vladimir Putin Ukraina rasmiylari Yevropa Ittifoqi va NATOdan talab qilayotgan Rossiya Aerokosmik kuchlari uchun Ukraina osmonining yopilishi butun dunyo uchun halokatli oqibatlarga olib kelishini aytdi. Uning soʻzlaridan “RIA Novosti” iqtibos keltirmoqda.

«Osmon (Ukraina)ni yopish haqidagi ushbu talabning amalga oshirilishi nafaqat Yevropa, balki butun dunyo uchun katta va halokatli oqibatlarga olib keladi. Oʻylaymanki, narigi tomonda nimadir «pishirayotganlar» buni tushunishadi», deydi Rossiya rahbari.

Eslatib oʻtamiz, avvalroq Ukraina Oliy Radasi Yevropa Ittifoqi va NATOga Ukraina havo hududini yopish, Rossiyani BMT Xavfsizlik kengashi tarkibidan chiqarish va Rossiyaga qarshi sanksiyalarni kuchaytirish chaqirigʻi bilan murojaat qilgan edi.

24-fevraldan beri Ukrainada Rossiya Qurolli kuchlarining «maxsus harbiy operatsiyasi» davom etmoqda. Putinning soʻzlariga koʻra, jangovar harakatlardan maqsad Ukrainani «demilitarizatsiya» va uning hokimiyatini «denatsifikatsiya qilish»dir.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?