Turkiya behisidan yurtimizda moʻl hosil olish mumkinmi?!

17:49 24 Sentyabr 2020 Iqtisodiyot
399 0

Quva tumanida joylashgan tomorqa yer uchastkalarini rivojlantirish respublika ilmiy-amaliy markazi tasarrufidagi 6 gektar behizor ijara asosida mirishkor bogʻbonlarga ajratib berilgan.

Bu bogʻda sharbatga toʻlib pishgan 400-500 tonna behi Rossiyaga eksport qilinib, bir gektar yerdan 200-250 million soʻmgacha daromad olinmoqda.

Markaz rahbari Zafarjon Mamasoliyev joriy yilning fevral oyida Turkiyada bogʻdorchilik tajribasini oʻrganib, 1250 tup behi koʻchati olib keldi va 2 gektar yerda intensiv bogʻ yaratildi. Turkiyalik hamkorlar bilan birgalikda 2021-yilda markaz qoshida jahon andozalariga mos laboratoriya va mevani qayta ishlash sexi barpo etish rejalashtirilgan.

— Turkiya behi navi mahalliy navlarimizga nisbatan kasallikka kam chalinadi, juda ham serhosil,  —deydi Z.Mamasoliyev. — Eksportbopligi tufayli kelajakda xuddi gilos, shaftoli, oʻrik singari behidan ham katta daromad olish mumkin.

B. Madiyorov,
“Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?