Toshkentda yonma-yon turgan 2 ta mashina yonib ketdi
Foto: Toshkent shahar FVB
Toshkent shahri Yashnabod tumanida “Damas” va “Cobalt” rusumli avtomobillar yonib ketdi. Poytaxt FVB axborot xizmati mazkur hodisa yuzasidan maʼlumot berdi.
Unga koʻra, voqea bugun, 6-may kuni Yashnabod tumani Sodiq Azimov koʻchasida sodir boʻlgan. Avtomobil yonayotganligi toʻgʻrisida Toshkent shahar FVBga soat 12:22 da xabar tushgan.
Shunga koʻra, yongʻin-qutqaruv texnikalari aytilgan manzilga soat 12:28 da yetib borib, 12:32 da toʻliq oʻchirgan.
Manzilda “Damas” butunlay, “Cobalt” esa deyarli toʻliq yonib zararlangan.
“Hodisa oqibatida jabrlanganlar yoʻq”, deb yozadi FVB axborot xizmati.
Qayd etilishicha, hozirda yongʻinning kelib chiqish sababi va keltirilgan moddiy zarar miqdori aniqlanmoqda.
Eslatib oʻtamiz, avvalroq Navoiy viloyati Karmana tumanidagi savdo markazlaridan birida yirik yongʻin sodir boʻlgani haqida xabar berilgan edi.
Tavsiya etamiz
Ko‘p o‘qilganlar
- AQSH Rossiyaga bosim oʻtkazishning muqobil usullarini oʻrganmoqda
- Tramp Koreya yarimorolidagi mojaroga yakun yasashga vaʼda berdi
- Hindistonda “Montta” sikloni sababli qariyb 90 ming kishi evakuatsiya qilindi
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- G20 sammitining Janubiy Afrikada oʻtkazilishi sharmandali holat – Tramp
- Isroil zarbalari oqibatida Gʻazoda 90 dan ortiq kishi halok boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring