Foto: Oʻzbekiston Respublikasi Ichki ishlar vazirligi huzuridagi Tergov departamenti

Toshkent shahrining Yashnobod tumanida 21 yoshli yigit oʻz doʻstini pichoqladi. Bu haqda Oʻzbekiston Respublikasi Ichki ishlar vazirligi huzuridagi Tergov departamenti xabar berdi.

Maʼlumotlarga koʻra, voqea joriy yilning 10-fevral kuni sodir boʻlgan. Ohangrabo koʻchasida yashovchi yigit 20 yoshli tanishinikiga bordi. Ular uchrashganida, yigitlar spirtli ichimliklar ichishgan, shundan soʻng ular oʻrtasida janjal kelib chiqqan. 21 yoshli yigit doʻstining tanasining turli qismlariga bir nechta pichoq bilan jarohat yetkazgan.

Oqibatda jabrlanuvchi shahar klinik shifoxonasiga yotqizilgan.

Tergov jarayonida jabrlanuvchi doʻstining sevgilisi haqida yomon gapirgani, natijada ular oʻrtasida janjal kelib chiqqani aniqlangan.

Mazkur holat yuzasidan Jinoyat kodeksining 104-moddasi 2-qismi (Qasddan badanga ogʻir shikast yetkazish) bilan jinoyat ishi qoʻzgʻatilgan. Jinoyatchi protsessual tartibda ushlangan.

Qayd etilishicha, ushbu turdagi jinoyat uchun Jinoyat kodeksi normalariga koʻra, 5 yildan 8 yilgacha ozodlikdan mahrum qilish jazosi nazarda tutilgan.