Toshkentda kuchli taʼsir etuvchi dori vositalarining noqonuniy savdosining oldi olindi

07:49 27 Noyabr 2021 Jamiyat
1140 0

Bosh prokuratura huzuridagi departament, Davlat soliq xizmati va Yunusobod tumani ichki ishlar boshqarmasi hamkorligida mahalliy dorixonada oʻtkazilgan tezkor tadbirda kuchli taʼsir koʻrsatadigan dori vositalarining noqonuniy savdosi fosh etildi, deb xabar beradi OʻzA.

Maʼlumotlarga koʻra, ushbu shaxs xorijda ishlab chiqarilgan “Tropikamid”, “Selofen” va “Zardeks” dori vositalarini sotish vaqtida qoʻlga olingan. Shuningdek, 92 dona kuchli taʼsir etuvchi dori vositalari ashyoviy dalil sifatida olindi.

Shuningdek, oʻtkazilgan tezkor tadbirda qiymati 300 ming soʻm boʻlgan “Regapen” dori vositalarini noqonuniy ravishda sotayotgan uch nafar sotuvchi qoʻlga olindi.

Dorixonadan “Karbamazepin”, “Tebantin”, “Zardeks”, “Karbaleks”, “Regapen” giyohvandlik vositalari tegishli hujjatlarsiz ashyoviy dalil sifatida olindi.

Mazkur holat yuzasidan jinoyat ishi qoʻzgʻatilib, tergov harakatlari olib borilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?