Ijtimoiy tarmoqlarda 72 hamda 148 sonli avtobus yoʻnalishi haydovchilarining kim oʻzarga harakatlanishi aks etgan video keng muhokamalarga sabab boʻldi. 

«Toshshahartransxizmat» AJ mazkur holatni oʻrganib chiqqan holda quyidagilarni maʼlum qildi.

"2020-yilning 4-dekabr kuni soat 07:40 larda “2-avtobus saroyi” MCHJ haydovchisi F.Mirsaidov 72-sonli yoʻnalishda “Mersedes-Bes Low Floor” rusumli avtobusni, “5-avtobus saroyi” MCHJ haydovchisi D.Doʻsmatov 148-yoʻnalishda “Isuzu” rusumli avtobusni Maxtumquli koʻchasi boʻylab boshqarib borayotib, yoʻlovchilar va boshqa harakat ishtirokchilari hayotini xavf ostiga qoʻygan holda kim oʻzarga harakat qilgan va “Ashxobod saylgohi” bekatida toʻqnashuv sodir etgan.

Oʻz navbatida, mazkur haydovchilar yoʻlovchilar va boshqa harakat ishtirokchilari hayotini xavf ostiga qoʻygan holda harakatlanib, qoidabuzarlikka yoʻl qoʻyishi oqibatida YTH sodir boʻlganligi uchun ular bilan avtosaroy oʻrtasida tuzilgan mehnat shartnomasi bekor qilindi", deyiladi xabarda.