Toshkent viloyatida 12,9 mln. soʻmlik tamaki va alkogol mahsulotlarining noqonuniy savdosiga chek qoʻyildi

17:45 16 Noyabr 2021 Iqtisodiyot
1145 0

Foto: Toshkent viloyati davlat soliq boshqarmasi axborot xizmati

Joriy yilning oʻtgan davrida Toshkent viloyati davlat soliq xizmati organlari tomonidan oʻtkazilgan nazorat tadbirlarida jami 323 dona (quti) umumiy qiymati 4,4 mln soʻmlik tamaki mahsulotlarining noqonuniy savdosining oldi olindi. Shuningdek, profilaktik tadbirlar davomida 785 shisha umumiy qiymati 8,5 mln soʻmlik alkogol mahsulotlari savdoga qoʻyilgani aniqlanib, tegishli hujjatlar rasmiylashtirildi. Bu haqda Toshkent viloyati davlat soliq boshqarmasi axborot xizmati xabar bermoqda.

«Oʻtkazilgan nazorat tadbirlar davomida Zangiota tumani hududining Nayman mahalla fuqarolar yigʻini Mustaqillik 2-tor koʻchasi 49-uyda joylashgan doʻkonda fuqaro J. M. hamda T. R. lar hech qanday hujjatlarsiz alkogol mahsulotlarini chakana sotish faoliyati bilan shugʻullanganligi aniqlandi.Tekshiruv davomida fuqarolardan jami 4 turdagi 50 dona umumiy bahosi 694 000 soʻmlik tamaki mahsulotlari olib qoʻyildi.

Nazorat tadbirlari Boʻka tumanida ham oʻtkazilishi jarayonida fuqaro T. O. hech qanday hujjatlarsiz alkogol mahsulotlarini sotish faoliyati bilan shugʻullanganligi aniqlandi va unga tegishli boʻlgan 6 turdagi 21 shisha 12 litr boʻlgan, 3 14000 soʻmlik alkogol mahsulotlari daliliy ashyo sifatida vaqtincha olib qoʻyilgan.

Joriy yilning 1-iyun kuni Zangiota tumanida oʻtkazilgan galdagi profilaktik tadbirlarda mazkur tumani hududidagi Bogʻhor mahalla fuqarolar yigʻini Doʻstlik koʻchasi 11-uyda joylashgan doʻkonda fuqaro R. Z. noqonuniy alkogol mahsulotlarini chakana sotish faoliyati bilan shugʻullangan. Tadbirda fuqarodan jami 7 turdagi 67 dona umumiy bahosi 956 000 soʻmlik tamaki mahsulotlari olib qoʻyilgan.

Shuningdek, 2021-yilning 27-avgustda oʻtkazilgan nazorat reyd-tadbirlarida ushbu hududning Dehqonobod mahalla fuqarolar yigʻinida joylashgan doʻkonda fuqaro Yu. F. hech qanday hujjatlarsiz alkogol mahsulotlarini sotish faoliyati bilan shugʻullangan tekshiruvda fuqarodan jami 10 turdagi 52 dona umumiy bahosi 605 000 soʻmlik tamaki mahsulotlari olib qoʻyilgan

Holat yuzasidan tegishli hujjatlar rasmiylashtirildi.

Hurmatli tadbirkorlar! Unutmang, halol tadbirkor davlat himoyasida. Noqonuniy faoliyatning oldini olish esa doimiy nazoratda», deyiladi Toshkent viloyati davlat soliq boshqarmasi axborot xizmati xabarida.

 

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?