Toshkent yerusti metrosi yoʻlida kichik oʻpirilish sodir boʻlgani videosi tarqaldi. Oʻzbekiston temir yoʻllari voqeaga izoh berdi

18:28 24 Fevral 2021 Jamiyat
1106 0

Ijtimoiy tarmoqlarda Toshkent yerusti halqa metrosining “Doʻstlik-2” bekatidan “Qoʻyliq” bekatigacha boʻlgan yoʻnalishning 4-bekatida hosil boʻlgan darcha haqida video tarqaldi.

Oʻzbekiston temir yoʻllari mazkur holat toʻgʻrisida maʼlumot berdi.

Unga koʻra, bugungi kunda “Doʻstlik-2” – “Qoʻyliq” yoʻnalishi bekatlarida kabel uchun oʻtkazish koʻprigi (kabelnыy mostik) qurish ishlari loyiha hujjatlariga asosan qurilishning II-bosqichida amalga oshirish rejalashtirilgan. Elektr kabellarini estakada ostki qismidan oʻtkazish inshootlari qurilishi loyihalari ishlab chiqilib, oʻrnatilgan tartibda ekspertizadan oʻtkazilgan va ijobiy xulosa olingan. Bugungi kunda bekatlarda kabel oʻtkazish koʻprigini qurish ishlari amalga oshirilmoqda.

Ijtimoiy tarmoqlarda tarqagan “oʻpirilish” metroning 4-bekatida quruvchilar tomonidan 24-fevral kuni tungi soat 00:00dan keyin, yaʼni metro poyezdlari harakati toʻxtatilgandan soʻng, kabel oʻtkazish koʻprigini qurish uchun maxsus uskuna yordamida loyiha hujjatlariga asosan betonning bir qismi ochilgan. Metro estakadasi ostidan harakatlanuvchi piyodalar va avtomobillar xavfsizligini taʼminlash maqsadida tungi paytda ishlar tashkil qilinib, qurilish meʼyor va qoidalari asosida amalga oshirilmoqda va mutaxassislar tomonidan nazoratga olingan xavfsizlik qoidalariga rioya etiladi. Kabel oʻtkazish koʻprigi qurilishi estakada mustahkamligiga zarar yetkazmaydi. Maxsus darcha ochish ishlari yakunlangandan soʻng yoʻldagi chiqindilar tozalangan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?