Prezidentning tegishli qaroriga asosan, Shuhrat Abdujalilovich Boymurodov Toshkent davlat tibbiyot universiteti rektori lavozimiga tayinlandi. Bu haqida Toshkent Tibbiyot Akademiyasi xabar berdi.

Shuhrat Boymurodov 2017-yildan shu bugunga qadar Toshkent tibbiyot akademiyasining oʻquv ishlari boʻyicha prorektor lavozimida faoliyat yuritib kelayotgan edi.

Boymurodov Shuhrat Abdujalilovich 1969-yilda tugʻilgan, maʼlumoti oliy, 1994-yilda birinchi Toshkent Davlat tibbiyot instituti stomatologiya fakultetini tamomlagan. 1995-yili ikkinchi Toshkent Davlat tibbiyot instituti 2 klinikasi yuz-jagʻ jarrohlik boʻlimida yuz-jagʻ jarrohligi mutaxassisligi boʻyicha internaturani oʻtgan

Tibbiyot fanlari doktori, professor Shuhrat Boymurodovning 165 ta ilmiy va oʻquv uslubiy ishlari eʼlon qilingan. Jumladan, 2 monografiya, 3 oʻquv qoʻllanma, 8 uslubiy qoʻllanma, 4 ixtiroga patent, 93 ta maqola shular jumlasidandir. Eʼlon qilingan uslubiy ishlarning 43 tasi xalqaro nashrlarda chop etilgan.

Shuhrat Boymurodov Toshkent tibbiyot akademiyasida ilmiy ishlar prorektori lavozimida faoliyat yuritayotgan davrida Respublika miqyosidagi bajariladigan 20 ta va 2 ta xalqaro ilmiy grant, Yevropa ittifoqining “Erasmus plyus” loyihalari boʻyicha 5 ta grantni amalga oshirgan.

Maʼlumot uchun, Shuhrat Boymurodov 2021-yilda Rossiya fanlar akademiyasining tabiiy fanlar akademigi diplomiga sazovor boʻlgan edi.