Jahon sogʻliqni saqlash tashkiloti hisobotiga koʻra, shu yil 13-fevraldan 12-martgacha Yer yuzida 4 milliondan ortiq kishida koronavirus infeksiyasi aniqlandi. Ulardan qariyb 28 ming nafari xastalik tufayli hayotdan koʻz yumdi.

Tahlillarning koʻrsatishicha, ushbu davrda dunyo boʻyicha undan avvalgi toʻrt haftaga nisbatan bemorlar soni 40 foiz, oʻlim holatlari esa 57 foizga kamaygan.

Eng koʻp kasallanish qayd etilgan davlatlar:

— AQSH – 920 ming,

— Yaponiya – 381 ming,

— Xitoy – 370 ming,

— Rossiya – 350 ming,

— Germaniya – 338 ming nafar.

Eng koʻp bemorlar oʻlimi roʻyxatga olingan mamlakatlar:

— AQSH – 9303,

— Yaponiya — 2598,

— Buyuk Britaniya — 2217,

— Braziliya —1648,

— Xitoy — 1586 nafar.

Eslatib oʻtamiz, yaqinda JSST bosh direktori Tedros Gebreyesus joriy yil COVID-19 pandemiyasi yakunlanishi kutilayotganini maʼlum qilgandi. Shunga qaramay, mutaxassislar xastalikni toʻliq jilovlash uchun sayyoramiz aholisining katta qismi toʻliq bosqichda va buster dozada emlanishi kerak, degan xulosada.