Tokioda slalomda eshkak eshish boʻyicha Osiyo chempionati boʻlib oʻtmoqda

17:40 28 Oktyabr 2023 Sport
76 0

Ayni kunlarda Yaponiyaning Tokio shahrida slalomda eshkak eshish boʻyicha Osiyo chempionati boʻlib oʻtmoqda. Musobaqa yakkalik dasturlarida Parij-2024 Olimpiya oʻyinlariga yoʻllanmalar taqdim qilishi bilan yanada ahamiyatli. Hozirga kelib, jamoaviy dasturdagi bahslar yakunlandi. Unda ham kanoe, ham baydarka dasturlarida ishtirok etgan yigitlarimiz kumush medallarga ega chiqishdi.

Bugun yakkalik yoʻnalishida saralash bellashuvlari yakunlandi. Unda qatnashayotgan kanoechilarimiz Abubakr Bukanov, Alibek Temirgaliyev hamda Anvar Klevleyev, shuningdek, slalomchilarimiz Barkamol Mirzahamdamov, Jonibek Temirgaliyev va Shahobiddin Boltaboyev yuqori natija qayd etib, yarim finalchilar qatoridan joy olishdi.

Endi ular ertaga final va Olimpiada yoʻllanmasi uchun kurashni davom ettirishadi. Qoidaga koʻra, faqatgina oʻz yoʻnalishida gʻolib boʻlgan sportchilar Parij-2024 yoʻllanmasiga sazovor boʻlishadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?