Tokio Olimpiadasi ishtirokchilari har kuni koronavirusga test topshirishi shart

01:24 02 May 2021 Dunyo
719 0

Tokio Olimpiadasi tashkilotchilari tomonidan Yaponiya poytaxtida boʻlib oʻtadigan musobaqa davomida sportchilar uchun qoʻllaniladigan epidemiologik xavfsizlik choralarini eʼlon qilindi.

Xalqaro olimpiya qoʻmitasi (XOQ) saytida xabar berilgan ushbu maʼlumotga koʻra, sportchilar har kuni koronavirusga test topshirishlari shart. Bundan tashqari, sportchilarning jamoat transportidan foydalanishi taqiqlanadi. Ovqatlanish ham tartibga solinadi. Barcha ishtirokchilar faqat Olimpiada obyektlarida, shuningdek, oʻzlari joylashgan mehmonxonalarda ovqatlanishlari mumkin.

Bundan tashqari, boʻlajak musobaqalarning barcha ishtirokchilari niqobsiz odamlar bilan aloqa qilish taqiqlanadi. Shuningdek, ular doim ijtimoiy masofani saqlashlari kerak boʻladi.

Reglament Yaponiya hukumati, Tokio shahar rahbariyati, musobaqa tashkiliy qoʻmitasi, Xalqaro olimpiya qoʻmitasi, Jahon sogʻliqni saqlash tashkiloti vakillari, shuningdek, mustaqil ekspertlarni oʻz ichiga olgan komissiya tomonidan tuzilgan.

Xavfsizlik qoidalarining soʻnggi versiyasi iyun oyida — musobaqaning rasmiy boshlanishidan taxminan bir oy oldin paydo aniq boʻlishi kutilmoqda.

Taʼkidlanishicha, oʻsha vaqtga borib musobaqalarga muxlislarni kiritish masalasi ham hal etiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?