Tokio-2020: para dzyudochi Uchqun Quronboyev Oʻzbekistonga dastlabki oltin medalni taqdim etdi

14:58 27 Avgust 2021 Sport
880 0

Yaponiyaning Tokio shahrida davom etayotgan Paralimpiya oʻyinlari doirasida bugun dzyudo musobaqalariga start berildi.

Para dzyudo boʻyicha bugunga belgilangan bahslarga erkaklar oʻrtasida -66 kg vazn toifasidagi bellashuvlar yakun yasab berdi. Eʼtiborlisi, bugungi para dzyudo musobaqalari hamyurtimiz Uchqun Quronboyev ishtiroki bilan yakunlandi. Oltin medal uchun kechgan bahsda Uchqun ispaniyalik para dzyudochi Serxio Ibanezga qarshi tatamiga chiqdi.

Garchi bellashuv davomida hamyurtimiz biroz faolroqdek koʻringan boʻlsada, afsuski asosiy vaqtda gʻolib aniqlanmadi. Qoʻshimcha boʻlimlarda esa Uchqun tomonidan ishlatilgan usul «Vazari» bahosi bilan baholandi va bu hamyurtimizga Paralimpiya oʻyinlarining oltin medalini taqdim etdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?