“Tokio — 2020” yoʻllanmalarining 70 foizi taqsimlab boʻlindi

16:52 17 May 2021 Sport
749 0

Barchamiz orziqib kutayotgan “Tokio — 2020” Olimpiya va Paralimpiya oʻyinlari startiga 67 kun qoldi. Xalqaro Olimpiya qoʻmitasining maʼlum qilishicha, ayni paytga kelib litsenziyalarning 70 foizi oʻz egalarini topgan, deyiladi MOQ matbuot xizmati xabarida..

Raqamlar boʻyicha aytadigan boʻlsak, hozirda 7800 dan ortiq sportchi Olimpiada ishtirokchilariga aylanib ulgurdi. Hozirgi kunga kelib, reyting va kvalifikatsion turnirlar orqali bir qator sport turlarida oʻynaladigan yoʻllanmalar oʻz egalarini kutmoqda.

Futbol, sport kurashlari, velosportning shosse va trek, gandbol, chim ustida xokkey, voleybol, qoyaga chiqish, suv polosi, suvga sakrash, ot sporti boʻyicha yoʻllanmalar taqsimlab boʻlingan. 5-iyulgacha barcha sport turlari boʻyicha litsenziyalar toʻliq taqsimlanadi.

Eslatib oʻtamiz, hozirgacha Oʻzbekiston delegatsiyasi Olimpiya oʻyinlariga 41 ta, Paralimpiya oʻyinlariga esa 16 ta yoʻllanma qoʻlga kiritgan. Tokio-2020 Olimpiya oʻyinlari 23-iyul – 8-avgust, Paralimpiya oʻyinlari esa 24-avgust – 5-sentyabr kunlari boʻlib oʻtadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?