Amerikaliklar ijtimoiy tarmoqlarda Texasdagi gʻayritabiiy qorlar haqida turli xabarlarni faol muhokama qilmoqda.

AQSH aholisining fikriga koʻra, haddan tashqari sovuq boʻlgan qor boʻronlari - mamlakat prezidenti Jo Bayden yoki Microsoft asoschisi Bill Geytsning ishi. Sababi yaqinda Bill Geyts iqlim oʻzgarishiga qarshi kurashish niyatini eʼlon qilgandi.

Tik Tok va Facebook foydalanuvchilari fen va boshqa issiqlik chiqaruvchi moslamalar bilan qorni eritishga uringan videolarni joylashtirmoqdalar. Videolarni yuz minglab tomoshabinlarga tomosha qilmoqda hamda hukumat qorlari hyeshtegi bilan tarqalgan video lavhalar million martadan koʻproq koʻrilgan.

Ammo Bufalo universiteti, sunʼiy qor haqidagi ushbu taxminlar haqiqatdan uzoqligini taʼkidladi. Aholini ishontirish uchun esa, sublimatsiya hodisasini tushuntirib beruvchi videoni havola etishdi.

Shubhaning paydo boʻlishiga asosiy sabablardan biri - qor boʻroni va muzli boʻron Texas shtati uchun juda kam uchraydi. Baʼzi odamlar oʻz hayotlarida birinchi marta qorni koʻrishdi va uning xususiyatlari haqida deyarli hech nima bilishmaydi. Shuning uchun ularda koʻplab savollar tugʻilishi tabiiy hol.