Tashqi ishlar vaziri oʻrinbosari Bahrom Aʼloyev Qirgʻizistonning mamlakatimizdagi Favqulodda va muxtor elchisi Muso Jamanbayevni qabul qildi

19:07 28 Noyabr 2022 Siyosat
283 0

Foto: Tashqi ishlar vazirligi matbuot xizmati

2022-yil 28-noyabr kuni Oʻzbekiston Respublikasi Tashqi ishlar vazirining oʻrinbosari Bahrom Aʼloyev Qirgʻiz Respublikasining mamlakatimizdagi Favqulodda va muxtor elchisi Muso Jamanbayevni qabul qildi.

Doʻstlik, yaxshi qoʻshnichilik va strategik sheriklik tamoyillariga asoslangan ikki mamlakat oʻrtasidagi samarali hamkorlik ijobiy surʼatlarda rivojlanayotgani mamnuniyat bilan qayd etildi.

Ikki mamlakat Prezidentlarining uchrashuvlari va muzokaralari yakunida erishilgan kelishuvlarni amalga oshirish jarayoni muhokama qilindi.

Turli darajadagi boʻlajak muloqotlarga tayyorgarlik masalalari koʻrib chiqildi.

Xalqaro va mintaqaviy siyosatning dolzarb mavzulari yuzasidan fikr almashildi.

Sanoat, energetika, qishloq va suv xoʻjaligi, transport sohalarida loyihalarni amalga oshirishni jadallashtirish muhimligi taʼkidlandi.

Tomonlarning parlamentlararo, mintaqalararo va madaniy-gumanitar almashinuvlarni kengaytirishga tayyorligi qayd etildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?