Tanzila Narbayeva Qirgʻiz Respublikasi elchisi bilan uchrashdi
2025-yil 23-may kuni Oliy Majlis Senati Raisi Tanzila Narbayeva Qirgʻiz Respublikasining Oʻzbekistondagi Favqulodda va Muxtor elchisi Duyshonqul Chotonov bilan uchrashuv oʻtkazdi. Suhbat chogʻida Oʻzbekiston va Qirgʻiziston oʻrtasidagi ikki tomonlama aloqalar, ayniqsa soʻnggi yillarda barqaror rivojlanib borayotgan hamkorlik masalalari muhokama qilindi.

Uchrashuvda ikki davlat oʻrtasidagi munosabatlarning jadal rivojlanishida ikki mamlakat yetakchilarining siyosiy irodasi va oʻzaro ishonchga asoslangan muloqotlari hal qiluvchi rol oʻynagani alohida taʼkidlandi. Xususan, oliy darajadagi muntazam uchrashuvlar va tashriflar ikki tomonlama hamkorlikning mustahkam asoslarini shakllantirishga xizmat qilmoqda.

Tomonlar parlamentlararo hamkorlik masalalariga ham alohida eʼtibor qaratdilar. Oliy Majlis va Jogorku Kenesh oʻrtasida faoliyat yuritayotgan parlamentlararo komissiya doirasida turli hududlarda muntazam tarzda majlislar tashkil etilayotgani nafaqat parlamentlararo aloqalarni, balki hududlararo hamkorlikni kengaytirishga ham ijobiy taʼsir koʻrsatayotgani qayd etildi.

Shuningdek, uchrashuvda Oʻzbekiston va Qirgʻiziston xalqlari oʻrtasidagi tarixiy doʻstlik va yaxshi qoʻshnichilik munosabatlarini mustahkamlash boʻyicha qoʻshma loyihalar va tashabbuslarni amalga oshirish borasida ikki tomon oʻzaro manfaatdor ekanliklarini bildirdilar. Tomonlar ushbu yoʻnalishda oʻzaro hamjihatlikda ishlashga tayyor ekanliklarini yana bir bor tasdiqladilar.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring