Tadbirkor ayollar klubi davra suhbati tashkil etildi

17:52 09 Aprel 2022 Jamiyat
729 0

Foto: Sirojiddin Vohidov / “Xalq soʻzi”

Bugun Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi huzuridagi Tadbirkor ayollar klubi davra suhbati boʻlib oʻtdi. 

Oliy Majlis Senatining Xotin-qizlar va gender tenglik masalalari qoʻmitasi tomonidan tashkil etilgan ushbu davra suhbatida senatorlar, xotin-qizlar va gender tenglik masalalari boʻyicha doimiy komissiyalar vakillari hamda tadbirkor ayollar ishtirok etdi.

Foto: Sirojiddin Vohidov / “Xalq soʻzi”

Taʼkidlanganidek, Komissiya huzurida tashkil topgan Tadbirkor ayollar klubi qatnashchilari 2021-yil 21-sentyabr kuni Bishkekda oʻtkazilgan “Qirgʻiziston Respublikasi va Oʻzbekiston Respublikasi tadbirkor ayollarining muloqoti” xalqaro biznes forumida qatnashdi.

Oʻzbekiston va Qirgʻiziston tadbirkor ayollari oʻrtasida boʻlib oʻtgan “B2B” uchrashuvlari ikkala tomon tadbirkorlari uchun juda foydali boʻldi. 

Muzokaralar yakunida tomonlar oʻrtasida umumiy qiymati 13,2 mln AQSH dollariga teng boʻlgan 15 ga yaqin shartnoma va memorandumlar imzolandi. Bu uchrashuv davlatimizni rivojlantirishga qaratilgan hamkorlikdagi muhim qadam boʻldi.

Foto: Sirojiddin Vohidov / “Xalq soʻzi”

Davra suhbati davomida tadbirkor ayol yetakchisining asosiy vazifalari hamda faoliyat yoʻnalishlari haqida batafsil maʼlumot berildi.

Suhbat davomida xotin-qizlar va gender tenglik masalalari boʻyicha doimiy komissiyalari aʼzolari soʻzga chiqib, oʻzaro hamkorlik olib borish yuzasidan fikr almashishdi.

Kengashlar tomonidan tashkil etilayotgan turli siyosiy va targʻibot-tashviqot tadbirlariga keng jalb qilish, ularning siyosiy ongini oʻstirishga qaratilgan seminarlar, davra suhbatlari oʻtkazib borish kabi tavsiyalar bildirildi.

Foto: Sirojiddin Vohidov / “Xalq soʻzi”

Davra suhbati yakunida tadbirkor ayollar yetakchilari faoliyatini tashkil etish va ularga amaliy yordam koʻrsatish Senatning doimiy nazoratida boʻlishi taʼkidlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?