Surxondaryoda «Oʻzbekiston anorchilari kuni» respublika festivali oʻtkaziladi

10:36 03 Oktyabr 2022 Jamiyat
591 0

Foto: Xalq so‘zi

Joriy yilning 5-oktyabr kuni Surxondaryo viloyatining Sherobod tumanida «Oʻzbekiston anorchilari kuni» respublika festivali oʻtkaziladi. Yevropa Ittifoqi komissiyasi, Jahon banki, Qishloq xoʻjaligi vazirligi, Surxondaryo viloyati hokimligi hamda Oʻzbekiston Anorchilar assotsiatsiyasi hamkorligida mamlakatimizda ilk bor tashkil etilayotgan ushbu festival Sherobod tumanidagi “Sherobod Anor Impex” MCHJ hududida boʻlib oʻtadi.

Tadbir doirasida “Oʻzbekistonda anor yetishtirish va uni qayta ishlash istiqbollari” mavzusida ilmiy-amaliy anjuman oʻtkaziladi.

“Eng mazali anor sharbati – 2022”, “Eng mazali anor navi”, “Eng katta anor – 2022”, “Eng chiroyli anor tozalash” nominatsiyalari boʻyicha tanlovlar tashkil etilib, gʻoliblar diplom va qimmatbaho sovgʻalar bilan taqdirlanadi.

Festival dasturidan rang-barang koʻngil ochar tadbirlar ham oʻrin olgan.

Mazkur tadbir oldidan jurnalist va blogerlar uchun media-tur tashkil etildi. Uning ishtirokchilari 43 gektar maydonda “Qozoqi” navli anor koʻchatlari parvarishlanayotgan «Sardorbek Sultonbek» MCHJ, ikki gektar yer maydonida “Oqpar”, “Mayskiy” navli anorni parvarishlayotgan «Abdulazizov Ziyodullo Bahriddinovich» anorchilik fermer xoʻjaligi anorzorlarida bogʻbonlar bilan suhbatlashib, mevalarning navi, taʼmi va hosildorligi bilan qiziqishdi.

Ilhom Rahmatov, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?