Foto: Bosh prokuratura huzuridagi Departament

Bosh prokuratura huzuridagi Departamentning Boysun tuman boʻlimi tomonidan oʻtkazilgan tergovga qadar tekshiruvda, “U.” kichik korxonasi rahbari N.A. hududiy tijorat banki filialidan tikuvchilikni rivojlantirish uchun tikuv mashinasi, asbob uskuna va xom ashyolar sotib olish uchun ajratilgan kredit mablagʻini “B.T.” kichik korxonasiga oʻtkazish orqali boshqa maqsadlarda sarflab, jami 428,4 mln soʻmni oʻzlashtirish yoʻli bilan talon-toroj qilganligi aniqlangan.

Shu kabi, Boysun tuman boʻlimi tomonidan oʻtkazilgan yana bir tergovga qadar tekshiruvda, fuqaro Oʻ.I. va “M.Oʻ.” fermer xoʻjaligi rahbari Oʻ.M. 6 nafar fuqaroning xabardorligisiz taʼminotchi korxonalar hisob raqamiga 174 mln soʻm kredit mablagʻini oʻtkazishib, fuqarolarga chorva mollarni olib bermasdan, oʻzgalar mulkini firibgarlik yoʻli bilan qoʻlga kiritganliklari aniqlangan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari oʻtkazilmoqda.