Sogʻliqni saqlash vazirining tegishli buyrugʻi bilan Hakimov Xurshid Anvarovich Sirdaryo viloyati sogʻliqni saqlash boshqarmasi boshligʻi lavozimiga tayinlandi.

1988-yilda tugʻilgan X.Hakimov Toshkent tibbiyot akademiyasining bakalavr bosqichini tamomlagach, Rossiyaning A.N.Bakulev nomidagi yurak-qon tomir jarrohligi milliy tibbiyot markazida klinik ordinatura va aspirantura boʻyicha tahsil olgan.

2020-yildan boshlab bir yil davomida Rossiya Federatsiyasi Moskva viloyati Yegoryevsk markaziy tuman kasalxonasida rentgenendovaskulyar xirurg sifatida faoliyat olib borgan.

2021-yilda oʻzbekistonga qaytib, Respublika ixtisoslashtirilgan kardiologiya ilmiy-amaliy tibbiyot markazi Sirdaryo viloyati mintaqaviy filialida Rentgenendovakulyar xirurgiya boʻlimi boshligʻi sifatida ish boshlagan.

X.Hakimov samarali faoliyati uchun “Shuhrat” medali va “Sogʻliqni saqlash aʼlochisi” koʻkrak nishoni bilan taqdirlangan.