Sodiq Safoyev YXHT DIIHB missiyasi rahbari bilan uchrashdi

12:49 07 Iyul 2023 Siyosat
348 0

2023-yil 4-iyul kuni Oʻzbekiston Respublikasi Oliy Majlisi Senati Raisining birinchi oʻrinbosari Sodiq Safoyev Yevropada xavfsizlik va hamkorlik tashkiloti Demokratik institutlar va inson huquqlari boʻyicha byurosining (YXHT DIIHB) saylovni kuzatish missiyasi rahbari Ursula Gachek bilan uchrashdi.

Qonun ijodkorligi jarayonini takomillashtirish sohasida YXHT DIIHB bilan hamkorlikni chuqurlashtirish, shuningdek, boʻlajak Prezidentlik sayloviga tayyorgarlik koʻrish va uni oʻtkazish masalalari yuzasidan fikr almashildi.

Boʻlajak saylov mamlakatimizda amalga oshirilayotgan keng koʻlamli islohotlarga doimiy tus berishda muhim ahamiyat kasb etishi taʼkidlandi.

Mamlakatda saylov qonunchiligi va saylovlarni tashkil etish mexanizmlarini takomillashtirish boʻyicha tavsiyalarni amalga oshirishda samarali hamkorlikni davom ettirishga kelishib olindi.

Shuningdek, tomonlarni qiziqtirgan masalalar yuzasidan fikr almashildi.

Tomonlar saylov qonunchiligini demokratlashtirishning turli jihatlari boʻyicha hamkorlik va oʻzaro aloqalarni yanada chuqurlashtirishga tayyor ekanliklarini qayd etdilar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер