Shaxmat boʻyicha Oʻzbekiston terma jamoasi Misrning Quddus shahrida boʻlib oʻtayotgan Shaxmat boʻyicha FIDE jahon chempionati finaliga yoʻl oldi.

Oʻzbekiston shaxmatchilari yarim final bahsida turnirning eng kuchli jamoalaridan biri - Hindiston vakillarini ikki raundga koʻra 2:2 va 2,5:1,5 hisobida magʻlub etishdi.

Jahon chempionatida Oʻzbekiston milliy jamoasi sharafini Nodirbek Yoqubboyev, Javohir Sindorov, Jahongir Vohidov, Shamsiddin Vohidov, Abdimalik Abdisalimov va Ortiq Nigmatov himoya qilishmoqda. Jamoa sardori va murabbiyi — niderlandiyalik Ivan Sokolov.

Oʻzbekistonlik shaxmatchilar finalga qadar guruhda AQSH (2,5-1.5), Isroil (2,5-1,5) va Hindistonni (3,5-0,5) magʻlub etib, Polsha (2:2) bilan durang natijaga erishishdi, faqat Ozarbayjonga (1,5-2,5) yutqazishdi.

Kecha boʻlib oʻtgan chorak finalda Ukrainani 2 ta raund (3:1 va 2,5:1,5) yakuniga koʻra taslim etishdi.

Bugun jahon chempionligi uchun kechadigan bahsda Oʻzbekiston shaxmatchilari Xitoy terma jamoasiga qarshi dona suradilar.