Serra-Leonening Oʻzbekistondagi birinchi elchisi akkreditatsiyadan oʻtdi

19:42 22 Aprel 2024 Siyosat
755 0

Oʻzbekiston tashqi ishlar vaziri Baxtiyor Saidov bugun Serra-Leonening mamlakatimizdagi birinchi elchisi Muhammad Yongavoni qabul qildi.

“Serra-Leone Respublikasining Oʻzbekistondagi Favqulodda va Muxtor Elchisi etib tayinlangan Muhammad Yongavo janoblarini qutlashdan va uning ishonch yorliqlarini qabul qilishdan mamnunmiz, – deb yozdi Oʻzbekiston TIV rahbari oʻzining telegram kanalida. – Ikki tomonlama aloqalarimizni boyitish uchun hali foydalanilmagan ulkan salohiyat mavjud. Janob Elchiga mamlakatimizdagi faoliyati davomida barcha sohalardagi keng imkoniyatlarni oʻrganishda muvaffaqiyatlar tilaymiz”.

Eslatib oʻtamiz, Oʻzbekiston va Serra-Leone oʻrtasida 2023-yil 28-aprelda diplomatik munosabatlar oʻrnatilgan edi. Nyu-York shahrida Oʻzbekiston va Serra-Leonening BMTdagi doimiy vakillari tomonidan Qoʻshma kommyunike imzolandi. Serra-Leone Respublikasi Oʻzbekiston bilan diplomatik munosabatlar oʻrnatgan 143-davlat boʻlgan edi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер