Sariosiyoda sodir boʻlgan voqeaga rasmiylar munosabat bildirdi

14:20 08 Avgust 2022 Jamiyat
257 0

Illustrativ foto

Surxondaryo viloyati Sariosiyo tumanidagi 28-maktabning oʻqituvchi-xodimlari va direktor oʻrtasida janjal aks etgan video ijtimoiy tarmoqlarda keng muhokamalarga sabab boʻlmoqda.

Xoʻsh, bu voqea qachon sodir boʻlgan? Bir-birini urib, haqorat qilayotgan fuqarolar haqiqatan ham oʻqituvchi-murabbiylarmi?

Ushbu masalada Surxondaryo viloyati xalq taʼlimi boshqarmasi rasmiy munosabatida quyidagilar bayon qilingan:

«Ijtimoiy tarmoqlarda keng muhokamalarga sabab boʻlgan mazkur holat Sariosiyo tumanining 28-sonli umumtaʼlim maktabida joriy yilning 22-may kuni yuz bergan. Bu voqea shu vaqtning oʻzida viloyat xalq taʼlim boshqarmasi rahbariyati tomonidan oʻrganilgan. Oʻrganish jarayonida ushbu holatni keltirib chiqargan masʼullarga tegishli tartibda choralar koʻrilib, maktab jamoasi oʻrtasida tushuntirish ishlari olib borilgan. Maktab direktori Umida Tursunova vazifasidan ozod etilgan. Hozirgi kunda Hushvaqt Joʻraboyev 28-son umumtaʼlim maktabi direktori vazifasini bajarib kelmoqda».

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?