SamDUda Oʻzbekiston talabalari assotsiatsiyasi tashkil etildi

23:09 23 Yanvar 2021 Jamiyat
525 0

Oliy va oʻrta maxsus taʼlim vazirligi, Samarqand viloyati hokimligi, Adliya vazirligi, Oʻzbekiston yoshlar ittifoqi bilan hamkorlikda Samarqandda Oʻzbekiston talabalari assotsiatsiyasi tashkil etildi.

SamDUda assotsiatsiyaning birinchi taʼsis forumi boʻlib oʻtdi. Onlayn-muloqot tarzida tashkil etilgan tadbirda mahalliy OTMlardan tashqari Osiyo universitetlari assotsiatsiyasi, Xalqaro ipak yoʻlida joylashgan universitetlar assotsiatsiyasi, Yevroosiyo universitetlari assotsiatsiyasi vakillari, AQSH, Yaponiya, Janubiy Koreya, Xitoy, Niderlandiya, Rossiya, Hindiston, Afgʻoniston, Isroil, Turkiya, Belarus, Vengriya kabi davlatlarning talaba-yoshlari ishtirok etdi.

Forumning ochilish marosimida soʻzga chiqqan Oliy va oʻrta maxsus taʼlim vaziri oʻrinbosari Yu. Absoatov, SamDU rektori Rustam Xalmurodov va boshqalar Talabalar Assotsiatsiyasi tashkil etilganligi bilan Oʻzbekiston yoshlarini qutlab, uning faoliyatiga omad tiladilar.

Assotsiatsiyani tashkil etishdan asosiy maqsad mamlakatimiz OTMlari talabalarini qiziqish va ehtiyojlariga qarab, jamoatchilik boshqaruvi asosida birlashtirish, ularning huquq va manfaatlarini himoya qilish, yuksak maʼrifatli, bilimdon mutaxassislar boʻlib yetishishlari yoʻlida qoʻllab-quvvatlashdan iboratligi taʼkidlandi.

Forumda Oʻzbekiston talabalar Assotsiatsiyasini tashkil etish masalasi onlayn soʻrovnoma orqali ovozga qoʻyildi. Unda ishtirok etganlarning deyarli barchasi Samarqand davlat universiteti huzurida Oʻzbekiston Talabalar Assotsiatsiyasini tashkil etishni yoqlab ovoz berdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?